La reina de la guapura de Leenane

El día 1 de agosto
a las 20:00 h.
Casino de Llanes
Categorías: Divulgación
Producciones Nun Tris
Autoría: Martin McDonagh

Nun ambiente humilde y sórdidu, na Irlanda de los años 80, nuna sociedá condergada a la emigración, endientro d´un contestu de violencia y crisis idiomática ya identitaria, Maureen Folan, la protagonista, caltién una complicada relación cola so madre. Ella tien 40 años y ye virxe, y la so madre, Mag, ye práuticamente una inválida, anque según la so fía, desaxera los sos problemes.

Una cenciella invitación pa dir a una fiesta va camudar el destín de dambes. Maureen va dir, anque la so madre va faer tolo posible pa torgalo, y ellí va realcontrase con Pato Dooley, un vieyu amigu que siempres la consideró «la reina la guapura de Leenane». Dambos van pasar la nueche xuntos (anque nun van llegar a peracabar), y Pato fadrá-y saber que llueu se tendrá que volver dir Ray, l’hermanu de Pato, fai de mensaxeru ente ésti y Maureen, anque los mensaxes nunca lleguen a la so destinataria por aciu de Mag, lo que-y acabará acarretando graves consecuencies.

Premios

PREMIU OH! 2021 A LA MEYOR INTERPRETACIÓN FEMENINA (Izar Gayo)
PREMIU OH! 2021 A LA MEYOR ESCENOGRAFÍA (Klara Kónkoly-Thege)
PREMIU NEL AMARO 2021 AL MEYOR ESPECTÁCULU PROFESIONAL EN LLINGUA ASTURIANA